تقييم كتاب Geekerella – Ashley Poston

الكتاب هو عبارة عن إعادة صياغة لقصة سندريلا لكن بحبكة حديثة و فيها فكرة أنا وايد أحبها اللي إهي الحب عن طريق المسجات
فإذا انتوا تحبون هالستايل حياكم الله، و بسم الله نبدي التقييم
فكرة الكتاب : إيلا إهي السندريلا في هالقصة، لأنها بنت تعيش مع زوجة أبوها و بناتها و إهما طبعًا ما يعاملونها عدل، لكن إيلا عندها أمنية ودها تتحقق، إنها تروح مسابقة حق أحلى لبس مقتبس من مسلسل خيالي إهي وايد تحبه اسمه Starfield ، و هذا المسلسل قديم جدًا لكن الناس التفتت له مرة ثانية لأن بيسوون له فلم جديد من بطولة الممثل داريان، شخص وسيم و البنات يحبونه و هذا الشيء كارثة بالنسبة حق إيلا لأنها تحب المسلسل وايد ..
الكتاب من وجهة نظرين .. وجهة نظر إيلا و وجهة نظر داريان
انطباعي عن الكتاب: هذا الكتاب من أفضل الكتب اللي قرأتها طوال مسيرتي القرائية، جدًا جدًا ممتع و ما راح تتركونه لين تخلصونه، الأحداث متسلسلة بطريقة رائعة و أنا شخصيًا حبيت إيلا و داريان و فعلًا علاقتهم كانت ظريفة جددداااا
تقييمي للكتاب: لو فيه أكثر من 5 نجوم جان عطيته لأنه فعلًا الكتاب يستااااهههللللل و ضروري تقرونه إذا صار عندكم وقت